Home LAJME Pusiq: Nëse në Maqedoni zbatohet marrëveshja, atëherë në Këshillin e BE­së ka...

Bashkimi-Evropian

Ministrat e Punëve të Jashtme të vendeve­anëtare të Bashkimit Evropian, sot në kuadër të Këshillit të BE­së kanë treguar atmosferë pozitive për t’u zhbllokuar integrimet euro­atlantike të Republikës së Maqedonisë dhe vendi t’i hap negociatat inkuadruese me BE­në, nëse partitë politike në vend në tërësi e zbatojnë marrëveshjen e 15 korrikut dhe zgjedhjet e parakohshme në prill të vitit 2016 kalojnë me sukses.

Siç njofton MIA­, shefja kroate e diplomacisë, Vesna Pusiq, duke transmetuar se në Këshillin e BE­së mbizotëron atmsoferë pozitive që Maqedonia të shënojë progres në integrimet e NATO­s dhe BE­së.

“Sa i takon Maqedonisë, komisari për negociata për zgjerim Johanes Han e dha propozimin e tij dhe marrëveshjen e cila është arritur nga pala e Maqedonisë, ndërsa e cila përfshin një lloj Qeverie të shpëtimit nacional, gjegjësisht hyrjen e opozitës në Qeveri nga tetori, ndërsa opozita në shtator kthehet edhe në parlament. Hyrja e opozitës është paraparë në dy pozita minsitrore dhe me katër zëvendësministra. Njëqind ditë, para zgjedhje nga mesi i muajit prill 2016, kryeministri Nikolla Gruevski dhe e tërë Qeveria do të japin dorëheqje, me ç’rast do të përgatiten zgjedhje dhe kjo është marrëveshja e cila është arritur me palën e Maqedonisë dhe konstatim të cilin e mbështetën të gjitha vendet­anëtare të Bashkimit Evropian”, i transmetoi Pusqi përshtypjet e para të takimit të Këshillit të BE­së për Maqedoninë.

Në pyetjen nëse në BE ekziston disponim te të gjitha vendet­anëtare të hapen negociatata për anëtarësimin e Maqedonisë në BE, Pusiq tha se ekziston atmosferë e tillë, por paraprakisht duhet e gjithë ajo që është dakorduar të zbatohet dhe të zbatohen zgjedhje.

“Ky qëndrimi është zgjeruar në Këshill dhe deri më tani është përsëritur disa herë, ndërsa ai është se nëse e gjithë ajo që është dakorduar në marrëveshje zbatohet ashtu siç është dakorduar, atëherë me të vërtetë në fund të kësaj rruge, Maqedonia dhe qytetarët e Maqedonisë duhet të shohin një hap përpara drejt integrimeve euroatlantike”, është decide ministrja kroate e Punëve të Jashtme.

Për momentin, në ndërtesën e Këshillit Evropian është duke u zhvilluar takimi i 12­të i Këshillit për stabilizim dhe asociim midis Maqedonisë dhe Bashkimit Evropian, por me të cilin bashkëkryeson shefi i diplomacisë së Maqedonisë Nikolla Poposki dhe zëvendëskryeministri i Sllovakisë, Mirosllav Lajçak, ndërsa në të cilin merr pjesë edhe eurokomisari Han, zëvendëskryeministri i Maqedonisë për Eurointegrime Fatmir Besimi, si dhe ministra të tjera të Punëve të Jashtme dhe ambasadorë të vendeve­anëtare të BE­së.