Home SPORT Aurier do të zë vendin e Sagnas

aurier-do-t-euml-z-euml-vendin-e-sagnas_hd (1)

Mbrojtësi i djathtë i Toulouse, Serge Aurier, duket se është afër kalimit te Arsenali si zëvendësues i Bacary Sagna.

Topçinjtë kanë filluar bisedimet me 21-vjeçarin gjatë muajit maj për ta transferuar atë në Emirates Stadium, pas paraqitjeve mbresëlënëse në Ligue 1, ku shënoi gjashtë gola dhe asistoi në po aq.

I pyetur nga një tifoz i Arsenalit pas ndeshjes miqësore kundër Bosnje e Hercegovinës, ai ka thënë se do t’i bashkohet klubit londinez gjatë verës.

Më pas futbollisti nuk e ka fshehur dëshirën për të kaluar te ekipi i Arsene Wenger gjatë postimeve të tij në rrjetet sociale.

Arsenali duhet të paguajë rreth nëntë milionë euro për shërbimet e futbollistit nga Bregu i Fildishtë.

Sagna, nga ana tjetër, ka konfirmuar se do të largohet nga Emirates gjatë verës me gjasa të mëdha që të nënshkruajë për Manchester Cityn.